Numri personal i celularit të kryeministrit britanik Johnson ishte për 15 vite në internet

Kryeministri britanik Boris Johnson thuhet se ka të njëjtin numër celular prej 15 vitesh, i cili është lehtësisht i zbulueshëm përmes Google. Megjithëse lajmi ka marrë dhenë zyra e Johnson nuk i ka adresuar “fjalët”, por ka nisur një fushatë për zhdukjen e tij nga interneti.

Johnson, sipas raporteve të medias këtë javë, e kishte zakon të shpërndante numrin e tij celular tek cilido që takonte, edhe pse kishte të njëjtin që nga viti 2006, dy vjet para se të bëhej kryebashkiak i Londrës dhe 13 para se të bëhej kryeministër.

Detajet e kontaktit të Johnson u gjetën të bashkangjitura në pjesën e poshtme të një njoftimi për shtyp të vitit 2006. Deklarata u redaktua por numri ende qarkullon në rrjet.

Është e mundur që kryeministri të ketë ndryshuar numër derimë tani, ashtu siç e kanë këshilluar bashkëpunëtorët e tij për një kohë të gjatë. Edhe para se lajmi i numrit të bëhej viral, Johnson thuhet se ishte “masakruar” me thirrje nga qytetarë që kërkonin ndihmën e tij, deri në pikën ku ndërhynte në punën e tij.