Xhelal Mziu me kalë në Dibër: Shteti e ka harruar, ecëm dy orë në këmbë

Drejtuesi politik i Partisë Demokratike në qarkun e Dibrës Xhelal Mziu ka udhëtuar ditën e sotme drejt Majës së Ilnicës. Mziu thotë se i është dashur të bëjë më shumë se dy orë rrugë në këmbë për të mbërritur atje ku sipas tij njerëzit janë larguar nga mungesa e shtetit. Ai ka publikuar foto me disa banorë të zonës ndërsa ka bërë edhe një pjesë të rrugës me kalë.

Mziu shprehet se ky fshat është 9 km larg qytetit, por i lënë në harresë nga bashkia, ku prej katër ditësh nuk ka as energji elektrike. Ai shprehet se banorët kanë zbritur në qytet për të karikuar celularët. Ish-kryebashkiaku i Kamzës shton se kjo do të marrë fund më 25 Prill, duke theksuar se qeveria Basha ka në programin e saj mbështetjen për infrastrukturën, mbështetje për bujqësinë, investime në infrastrukturën turistike.