Vaksinat| Vuçiç: Bota është bërë si Titaniku, deshën të na linin të mbytemi

Një kontigjent prej 100 mijë vaksinash ka mbërritur sot në Serbi. Lajmin e ka bërë të ditur vetë presidenti Aleksandar Vuçiç.

“Dua t’ju informoj se kemi marrë 10 000 vaksina të reja këtu në Beograd këtë mëngjes”, tha Vuçiç në një postim video në profilin e tij në Instagram.

Vuçiç shton se në luftën për të siguruar vaksinën, bota po bën një betejë të ngjashme si ajo në filmin “Titanic”.

“Shumë takime, shumë biseda të vështira. Bota është si Titaniku sot, të pasurit u përpoqën të siguronin varka shpëtimi vetëm për veten e tyre dhe të na linin ne, të gjithë të tjerët pa asgjë, të mbyteshim së bashku me Titanikun”, tha ai.