Këngëtarja e njohur Fjolla Morina nën akuzë për trafik…

Gjykata e Kukësit ka ndryshuar sërish akuzën ndaj këngëtares kosovare Fjolla Morina, nga “Armëmbajtje pa leje” në “Trafik të armëve dhe municioneve”. Këngëtarja rezulton të jetë marrë e pandehur nga Prokuroria e Kukësit, për akuzën e “Trafikut të armëve dhe municioneve” kryer në bashkëpunim.

Po ashtu, në të njëjtën akuzë janë vënë edhe biznesmeni Fisnik Syla, që është dhe i dashuri i këngëtares dhe shoferin e këtij të fundit, Fitim Muji.

Mësohet se pak ditë më parë prokuroria e Kukësit u ka komunikuar akuzën e re tre personave të proceduar dhe tashmë çështja kundër Fjolla Morinës, Fisnik Syla dhe Fitim Mujit, ka përfunduar në Gjykatën e Kukësit.

Këngëtarja Fjolla Morina u arrestua më datë 19 shtator, në pikën e kalimit kufitar të Morinës, kun ë çantë iu gjetën dy armë zjarri pistoletë. Njëra prej tyre, rezultoi të ishte lodër. Sakaq, Fjolla Morina u la në masë sigurimi arrest shtëpie nga ana e Gjykatës së Kukësit. Ajo qëndron në një banesë të marrë me qira pranë Komisariatit të Policisë Kukës.