Gruaja që qesh… Si policia “arrestoi” Teutën pse qeshi në Tiranë, në 2020


Nga Anila Hoxha

Nje 45 vjecare me inicialet T.B, perfundoi per pak ore ne komisariatin numer nje me urdher te gardes, pasi keta te fundit e konstatuan duke qeshur e per kete arsye sipas tyre ajo po prishte rendin dhe qetesine. Burimet zyrtare me thone se ngjarja – ka ndodhur ne daten 15 tetor ne kryeqytet, ne rrugen Fuat Toptani ne oren 20.10. Mes personave qe kane dhene deklarate nuk eshte vetem gruaja qe u pyet, por edhe polici i patrulles qe shprehet se ; une nuk kam konstatuar qe kjo femer te prishte qetesine publike. ‘ Por ate e solli punonjesi i gardes se Republikes ‘ shpjegon si deklarues qe tregon rrethanat e hetimit oficeri D. D. Historia e pabesueshme ” e qeshjes se ndaluar” shtjellohet akoma me teper me rrefimin e vete gruas qe qeshi. ‘ Isha duke dale nga puna qe ndodhet ne Kalane e Tiranes dhe pashe kryeministrin, ku pasi ai tha dicka qe une nuk e degjova mire , qesha me ze te larte”. Ne keto momente policia e zene ngushte nga kerkesat e Gardes per ta shoqeruar kundravajtesen, u shoqerua per veprimet e para hetimore ne komisariatin numer 1. ‘ femra ne momentin qe na i dorezoi punonjesi i gardes nuk kishte maske ne fytyre dhe ne keto rrethana u aplikua gjoba ndaj saj” deklaron oficeri i cili fillimisht mesohet te kete hezituar dhe per tju bindur gardes ka kerkuar ta kryeje shoqerimin pak minutesh te gruas qe qesh brenda rregullave, duke kerkuar nje sherbim ku te merrte pjese ne aksion edhe nje oficere femer.
Kjo qe sapo shkrova nuk eshte anektode. Ka ndodhur vertet ne mes te Tiranes dhe raportohet pikerisht keshtu ne shkresat zyrtare. Teutes i kushtoi e qeshura nje xhiro ne polici. Neser , dikujt tjeter mund ti kushtoje me shume, por mos rrini asnjehere pas qeshur. Eshte ilaci me i mire per jeten!