Lufta fallco fsheh luftën e vërtetë!


Nga Av. Ledian Droboniku

Vetëm popujt baritorë rendin pas surretërve ose bariut të preferuar.
Popujt e civilizuar, rrokin thelbin e sistemit, kuptojnë raportet e forcës dhe luftojnë mekanizmat e pushtetit.

Sistemi i sotëm quhet #kapitalizëm dhe thelbi i tij është #kapitali.
Ja pse për të kuptuar sistemin e sotëm, duhet ndjekur #dinamika e kapitalit e jo hijet që ai projekton për turrmat.

E pra dinamika e sotme e kapitalit është globale, pra pa kufij fizikë, juridikë, politikë e etikë.
Ja pra pse duhet të bien ato entitete që i bëjnë ende Rezistencë trasformit te kapitalit në të vetmin Zot si:
shtetet sovrane kombëtare, kushtetutat sociale, politika, familja, shkollat, historia, filozofia, besimet fetare, vlera solidare e identitare.
Trasformimi antropologjik i njeriut të ri superi-individualist, pa valencë komunitare e i parrezikshëm për rendin e ri.

Ai lloj kapitalizmi zhvilluar brenda demokracive formale, sot po i lë vendin një kapitalizmi absolut (pa kufij).
Premtimet neoliberiste për një botë më të mirë, falë politikave austerity, privatizimeve, fleksibikitetit e të punës e jetës, nuk arritën qëllimet tek masat. Ato destabilizuan jetën e njeriut, shtuan varfërinë e perqendruan frikshem pasurine.
Ja pse Kudo sistemi po humbet #konsensusin e masave.
Ja pse po kalohet në një kapitalizëm #autoritar! Sepse më “efiçent” sipas shembullit kinez që mban popullin në kafaz e pa liri.

Dhe qoftë Trump ashtu dhe Biden, janë kuklla të të njëjtit sistem, që i shërbejnë.
Trump që denigron si “komuniste” çdo lloj politike qe rrit pushtetin pol-ekonomik të popullit kunder elitave.
Dhe Biden, që reciton ende magjinë globalitariste.
Vetëm shqipet, (dalë nga tmerri komunist) kanë një vizion romantik për kapitalizmin. Ashtu dhe ata që e kritikojnë, kanë mbetje nostalgjike komuniste.

Brenda kësaj dikotomie idjoteske, luhet dhe fati tragjik i këtij kombi që nuk projekton dot përpara të ardhmen e vet!
Por zvarritet nën mjerim e injorancë strukturale!