Ambasadori gjerman: Palët të vendosin prioritete mbi interesat politike

Shqipëria po bën para sa i përket procesit të integrimit në Bashkimin Europian. Gjatë një vizite në Shkodër ambasadori gjerman Peter Zingraf vuri theksin tek puna që duhet të bëhet për Gjykatën e Lartë e atë Kushtetuese.

“Shqipëria ka bërë hapa përpara, si dhe ka marrë një “Po” për bisedimet për anëtarësimin në BE. Edhe kancelarja Merkel ka thënë se dyert për Shqipërinë janë të hapura, e ndërkohë po punojmë intesivisht për këtë qëllim. Unë mendoj që përqendrimi i presidencës gjermane është tek COVID. Kjo situatë nuk ka qenë negative për Shqipërinë, por pozitive. Shqipëria ka shumë për të bërë, janë kushtet për tu plotësuar, në interes të vendit. Këtë s’duhet ta bëjë për Brukselin apo Berlinin, por për veten, siç është puna me Gjykatën e Lartë dhe kushtet e tjera.

Ndërsa i pyetur për krizën mes palëve politike, Zingraf tha se është mometi i duhur për të vendosur prioritete.

“Jemi në mes të një fushate elektorale dhe duhet të ketë prioritete që qëndojnë mbi interesat politikë të palëve.”

Ambasadori Zingraf ishte në një aktivitet kulturor në shkodër në kuadër të tetorit gjerman.