Basha: Gati plani i detajuar si do t’i ndjekim paratë që u janë marrë shqiptarëve me PPP

Nga konferenca e sotme për shtyp e Kryetarit të PD, Lulzim Basha:

Z.Basha ju thoni se do të anuloni koncensionet korruptive me ardhjen në pushtet? Por a e keni menduar mënyrën se si do t’i anuloni këto koncensione, sepse çdo prishje kontrate mund të ketë kosto në paratë e shtetit?

Basha: Çdo kontratë e lidhur në kundërshtim me ligjin dhe në thyerje të ligjit, çdo kontratë e lidhur në kushtet e korrupsionit, është e pavlefshme me efekt prapaveprues.

Ne kemi një plan të detajuar të cilin e kemi bërë prezent para shumë kohësh dhe brenda javës së ardhshme do ta shpalosim hap pas hapi, që nga ngritja e strukturës së veçantë shtetërore që do të bëjë shqyrtimin e çdo kontrate korruptive, tek kriteret që do të ndiqen për çdo kontratë korruptive dhe deri tek mekanizmi i anulimit, i vënies para përgjegjësisë së autorëve dhe ndjekjes së parave të marra nga paratë e shqiptarëve kudo që ato të jenë