SHBA, Trump miraton 1.6 miliardë dollarë për vaksinën anti COVID-19

Shtetet e Bashkuara të Amerikës po bëjnë çdo përpjekje për të gjetur dhe vënë në përdorim për qytetarët vaksinën kundër Covid-19. Qeveria e Donald Trumpit njoftoi sot se ka ndarë 1,6 miliardë dollarë për kompaninë amerikane të bioteknikës “Novavax”, për projektin e saj të vaksinave antiCOVID-19, duke i garantuar SHBA-së përparësinë e 100 milionë dozave të para në rast të efikasitetit të provuar. “Operacioni Warp Speed është duke krijuar një portofol vaksinash për të rritur mundësitë që të kemi të paktën një vaksinë të sigurtë dhe efikase deri në fund të vitit”, tha Alex Azar, Sekretar për Shëndetësinë. “Ne jemi të nderuar nga partneriteti me Operacionin “Warp Speed” për të përparuar me projektin tonë të vaksinave me urgjencë të jashtëzakonshme, me qëllimin për të siguruar mbrojtje jetike për njerëzit e vendit tonë”, tha Stanley Erck, drejtori ekzekutiv i “Novavax”. Administrata e Donald Trump e nisi Operacionin Warp Speed në përpjekje për të prodhuar 300 milionë doza vaksinash deri në janar 2021 për të vaksinuar amerikanët e parë.