“1 kg Kos, domate, shegë dhe cokollatë”, Kujtim Gjuzi këshillon shqiptarët: Ja pse s’më zë mua koronavirusi

Kreu i Partisë Konservatore, njëherësh deputeti i Kuvendit të Shqipërisë, Kujtim Gjuzi përmes një videoje të postuar në rrjet përgënjeshtron zërat që qarkullojnë se mund të jetë prekur nga koronavirusi.

Ai madje ka këshilluar shqiptarët të përdorin prodduktet ushqimore që vetë ai përdor për ta luftuar koronavirusin.

“Kush mashtron dhe thotë që Kujtim Gjuzi është me koronavirus do përballet me drejtësinë kur ajo të funksionojë. Unë dhuroj gjak nuk kam bërë kurrë një injeksion jo më të më zëjë koronavirusi. Unë mbrohem me: në mëngjes 1 kg kos me mjaltë, cokollatë me arra dhe lajthi që mbron gjithë organizmin, në drekë përdor gjysëm kg domate, po ashtu pasdite përdor shegë, djath, meqënëse jam shëndoshur pak po përdor djathin e dhisë Konsultohem me këshilltarin tim androlog dhe obstetër Fadil Mustafa, kam edhe psikologë që rrinë pranë stafit të Partisë Konservatore. Ne do jemi në cdo skaj për të ndihmuar qytetarët kudo që janë”,- tha Gjuzi në një video të regjistruar në makinë ne tij.