Zbulohet pse Gjuta ishte me armë dhe mbi 120 mijë euro afër selisë PS

Ditën e sotme Gjykata penale e Tiranës vendosi masën e sigurisë sigurisë ‘Arrest me burg’ për shtetasin Vladimir Gjuta.

Vladimir Gjuta u kap me armë zjarri me vete dhe një shumë të madhe parash 3 ditë më parë në afërsi të selisë së PS. Gjatë kontrollit në banesë atij iu gjetën 121 100 euro, 27 500 dollarë, 22 970 paund dhe 664 500 lekë të reja.

Policia i sekuestroi 40-vjeçarit edhe një mjet të blinduar autoveturë Audi A8, me të cilën qarkullonte ky shtetas

Gjuta akuzohet për ‘Armëmbajtje pa leje’, ‘Pastrim i produkteve të veprës penale ose veprimtarisë kriminale’.

Menjëherë pas këtij vendimi ka reaguar edhe avokati i Vladimir Gjutës, i cili ka thënë se pasuritë e klientit të tij janë të ligjshme dhe se do ankimojë vendimin për sekuestrimin e parave.

Avokati: ”Gjuta pretendon se pasuritë janë të ligjshme, janë fituar nga biznesi i tij. Klienti im pranon akuzën e ‘Armëmbajtjes pa leje’, por jo të ‘Pastrimit të produkteve të veprës penale’. Do të ankimohet vendimi për sekuestrimin e parave, sepse ato para do të përdoreshin për hapjen e një biznesi të ri.”