Rama lexon hartimin për tërmetin. Zyrtarja e lartë e ambasadës së SHBA preket

Pas bërtitjeve dhe sharjeve me njerëzit nëpër zonat e prekura nga tërmeti, kryeministri Edi Rama ka shfaqur anën tjetër të vetën në një takim me diplomatë të akredituar në Tiranë.

Patetik dhe me konsiderata personale që nuk i hyjnë në punë kujt, Edi Rama ka pëcjellë hartimin e radhës përmes të cilit ka shpalosur edhe kompleksin e njohur ndaj të huajve. Duke dashur të tregojë se ka përjetuar thellë tërmetin kryeministri u ka rrëfyer miqve sesa thellë ka ndikuar kjo ngjarje në miqësinë me aleatët. Madje tërmeti ka shenjuar edhe mënyrën sesi z. Rama do të tregojë historinë te fëmija i vet të cilin e ka përfshirë nëpër fjalimet zyrtare si pjesë të një familjeje politike të cilën e ka në mendje vetëm ky njeri dhe askush tjetër.

Në këtë kohë kaq dramatike për Shqipërinë jeni treguar po aq shqiptarë sa shqiptarët. Përballë gërmadhave të 26 nëntorit, ishit të raportonit atë ditë nga ambasadat tuaja në kryeqytetet respektive. Ju nuk pritët as të zbardhte mirë dita për të na ofruar solidaritet dhe ndihmë.

Nuk kam ndërmend të publikoj mesazhet tuaja që vijnë. Mesazhin e Lejlës e kam nxjerr në një folder të veçantë dhe kur im bir 5 vjeç të rritet edhe pak dhe të bëjë pyetjen e parë për Shtetet e Bashkuara, unë do t’i lexoj atë mesazh për ta prezantuar si shqiptar me Amerikën mike. Ashtu sikurse do të vijë dita që im bir do të inatoset me Bashkimin Evropian.

Vërtetë do të jetë shumë më e lehtë dhe hyrja në historinë e marrëdhënieve me fqinjët duke e nisur jo nga ngatërresat historike, por nga rrëfimi i nxjerrjes nga gërmadhat të një djali shqiptar nga trupat greke të kërkim-shpëtimit apo rrëfimi i një beteje të përbashkët të trupave nga Kosova dhe Serbia për të nxjerrë nga rrënojat njerëzit e këtij vendit dhe kalorësit e shpëtimit italianë krahas atyre turq.

Po, për vëllezërit dhe motrat tona nga Kosova me çfarë fjalësh mund të përshkruhen pa e zvogëluar furinë e rrahjeve të zemrës. As një milion fjalë nuk e përshkruajnë dot atë që ka mbetur në kujtesë.

Po skuadrën izraelite që aq shumë kurajë u dha qytetarëve të Durrësit. Këto dy javë janë në fakt një histori brenda historisë së vendit tonë, një histori e gjallë solidariteti faktik, që ne si fjalë e përdorim vijimësisht por që këto dy javë e pamë të mëshiruar në flamuj dhe gjuhë të ndryshme njësoj sikur të ishin këtu për të ardhur me porosi pas tërmetit psikologjik të tetorit për të mëshiruar at që thoshin etërit e krijimit të Evropës, të cilët thoshin se ka vetëm një horizont qëllimesh dhe idesh.

Mënyra se si trupat tona të shpëtimit punuan përkrah trupave franceze, italiane, greke, turke, rumune, kosovare po e po janë mëshirim i asaj që Adenaur dhe Moneja e skicuan në një imagjinatë.

Nuk e harrova Zvicrën atë ditë, edhe pse atë ditë ishte e veçantë si vetë emri që ka. Rrënojat të kujtojnë gjithmonë luftërat por ndoshta operacione e kërkim shpëtimit janë ato beteja ku rrezikimi i jetës bëhet për të shpëtuar jetë të tjera

deklaroi Rama.
Një hartim i regjistruar si qëndrim zyrtar. Kjo është pak të thuash ironike. Mënyra si Shqipëria tall veten nuk ka të dytë.