Si ta trajtojmë tonsilitin (bajamet) me disa metoda shtëpiake


Nga Ajshe Leka, nutricioniste

Tonsilitet janë dy nyjat limfatike të vendosura në çdo anë të pasme të fytit tuaj, që ndryshe njihen si bajamet. Ato funksionojnë si një portë mbrojtëse e traktit të sipërm respirator.

Tonsilitet shpesh mund të preken nga infeksionet dhe në këtë rast shkaktojnë dhimbje të fytit kur gëlltiteni, ethe dhe të dridhura, temperaturë, dhimbje në muskuj, dhimbje veshi etj.

Përpos procedurave mjekësore, për trajtimin e bajameve preferohen dhe disa metoda shtëpiake.
Megjithatë, ngrënia e ushqimeve të pasura me lëndë ushqyese që janë të lehta për t`u gëlltitur, është një metodë ideale për shërimin e bajameve dhe për të reduktuar infeksionin e fytit. Për shembull: pushimi, shtimi i sasisë së lëngjeve, lagështia e ajrit, trajtimi i simptomave, gërgëre me ujë të kripur dhe thjeshtimi i dietës, së bashku me përdorimin e kanellës, shafranit indian, farave fenugreek, nenexhikut (mente),fikut etj.

Pushimi

Gjatë aktiviteteve ditore ne mund të kemi vështirësi, madje edhe frymëmarrje të rëndë dhe rëndim të lëvizje të qafës, prandaj është i nevojshëm pushimi fizik që të zvogëlojë tundimin në atë pjesë të trupit. Kjo do t’i japë trupit tuaj mundësinë për të shëruar veten, zakonisht brenda 1-2 javëve.

Marrja e lëngjeve

Gjatë kohës kur keni probleme me bajamet, duhet t`i kushtoni rëndësi hidratimit. Lëngjet shtesë do të mbajnë nivelet e energjisë tuaj të qëndrueshme dhe do të shmangin dehidratimin. Nëse jeni të dehidratuar, atëherë koha e rikuperimit mund të zgjasë më shumë.
Por lëngjet, gjithashtu do t`ju ndihmojnë për të mbajtur bajamet të lubrifikuara, të cilat mund të zvogëlojnë inflamacionin dhe ta bëjnë më të lehtë shërimin.

Preferohet të zgjidhni pijet e ftohta ose të vakëta, si p.sh. akull, lëngje të freskëta, supë pule ose çaj bimor me mjaltë. Pijet mund të konsumohen të ngrohta, por duhet të shmangen pijet e nxehta që mund të irritojnë më tej fytin tuaj të sëmurë. Lëngjet që përmbajnë sasi të mëdha të acidit, duhet të shmangen, si lëngu i grejpfrut, limonada dhe lëngu i portokallit, mandej pijet e gazuara dhe produktet e lidhura me kafeinë.

Ushqime të buta

Rekomandohen ushqime të buta, meqë substancat e lëngshme janë të lehta për t`u gëlltitur pa shumë dhimbje. Ngadalë filloni të merrni më shumë ushqime, kur dhimbja e fytit nis të qetësohet. Pemët dhe perimet e pjekura, si molla, dardha dhe karota të pjekura janë po ashtu një zgjedhje e mirë. Mandej pudingu, kosi, patatet e skuqura, kungujt e dimrit, makaronat dhe orizi janë gjithashtu ushqime të buta ideale. Përveç kësaj, supat që përmbajnë perime, makarona dhe copa të buta të mishit, janë një zgjedhje e shëndetshme për pacientët me probleme të bajameve.

Ushqime të ngurta

Tonsilitet mund të shkaktojnë një dhimbje të fytit për disa javë. Është e rëndësishme për të shmangur disa ushqime të ngurta derisa të mos jeni shëruar plotësisht. Duhet zgjedhur ushqime të ngurta, të cilat nuk e irritojnë fytin tuaj, siç janë mishi i pjekur i pulës, mishi i pjekur i viçit, buka me kokërr dhe frutat e freskëta.

Lagështia e ajrit

Shtimi i një lagështuesi (humidifier) në dhomën tuaj të gjumit, do t’ju ndihmojë të mbroni bajamet dhe fytin nga tharja e ajrit gjatë natës, që mund të zgjas kohën e infeksionit dhe të nxis më shumë inflamacion në bajame. Dushet e ngrohta dhe higjiena e gojës, gjithashtu mund të ndihmojnë në lehtësimin e simptomave. Lagështia nga humidifieri ose dushi lehtëson fytin tuaj të sëmurë. Nëse keni të përshkruar antibiotikë nga mjeku juaj, është e rëndësishme që t`i merrni ato pa e anashkaluar asnjë dozë, sepse infeksioni mund të kthehet.

Konsumimi i fikut

I mbushur me anti-oksidantë dhe komponime anti-inflamatore, fiku është një ushqim ideal qetësues të dhimbjeve të bajameve dhe inflamacionit të grykës. Fiqtë janë të lehta për t`i gëlltitur dhe tretur dhe nuk irritojnë bajamet tuaja.

Nenexhiku (menta)

Vetitë qetësuese të nenexhikut ndihmojnë në reduktimin e inflamacionit të bajameve dhe fytit, duke përshpejtuar kështu procesin e rimëkëmbjes. Gjethet e lëvozhgave, thjesht mund t`i përtypni për të marrë përbërësit e tyre të fuqishëm, ose mund të përgatitni çaj nenexhik 1-2 herë në ditë për rezultate të shpejta.

Ujë me kripë

Ujë me kripë mund të jetë metoda më e sigurt për bajamet, pasi uji ndihmon për të zhdukur me shpejt bakteret ose virusin që ka shkaktuar inflamacion. Është e nevojshme një lugë gjelle kripë në një gotë me ujë të vaktë, e cila duhet të përzihet tërësisht dhe pastaj me të duhet bërë gargarë për 30-45 sekonda për lehtësim të shpejtë.

Shafran i Indisë

I njohur si një nga erëzat më të fuqishme anti-bakteriale, anti-virale dhe anti-oxidant, shafrani i Indisë dhe përbërësi i tij aktiv, kurkumini, është në gjendje të trajtojë infeksionin që shkakton tonsiliti, duke lehtësuar dhimbjen e fytit, ndërkohë që stimulon procesin e shërimit për çdo ind të dëmtuar.

Farat fenugrek

Komponimet anti-bakteriale dhe anti-inflamatore të pranishme në fenugreek (një bimë barishtore e familjes së bizeles) e bëjnë atë një ilaç ideal për bajamet, i cili ndihmon në zbutjen e simptomave dhe adresimin e infeksioneve themelore. Fenugreek mund të hahet me një shumëllojshmëri të ushqimeve, ose mund të përgatitet në një çaj relaksues që do të zvogëlojë ënjtjet e bajameve.