Stuhia e madhe godet Greqinë, vdesin 6 turistë, mes tyre dy fëmijë, 2 dhe 8 vjeç

Një ngjarje e rëndë ka ndodhur mbrëmjen e së mërkurës në Greqi, për shkak të motit të keq. Një stuhi e madhe ka goditur gadishullin Halkidiki në vendin fqinj, duke iu marrë jetën gjashtë turistëve dhe lënë të plagosur me dhjetëra të tjerë. Mësohet se mes viktimave janë edhe dy fëmijë 8 dhe 2 vjeç, si dhe mbi 100 persona të tjerë janë plagosur. Nga stuhia e madhe raportohet se me dhjetëra pemë janë shkulur, disa shtëpi janë rrënuar dhe dyqane të dëmtuar tërësisht, dhjetëra makina janë përmbysur, probleme të mëdha me energjinë elektrike, dëme të pallogaritshme të pronës private dhe të infrastrukturës. Kjo është pamja e shkatërrimit biblik të ndodhur vetëm në 10 minuta.